I. Erretaula egiteko teknika

4. Polikromia edo geruza piktorikoa

4.4 Estofatua

Erabilitako teknika urre gaineko estofatuaren teknika berbera da, baina zilarra erabilita urrearen ordez. Erabilitako hiru metodoak honakoak izan dira:
1. Zilar esgrafiatua jantzietan.
2. Zilar gardendua, kolore berde, gorri, urdin eta anbarrez.
3. Bismutoa (purpurina), metalezko tresnen kolorea
imitatzeko.

Zilar estofatua mantuen barnealdean erabiltzen da nagusiki, baina erraz ikusteko moduko tokietan. Gauza bera gertatzen da tunika edo atorrekin, ezen mantuak sortzen duen urre-koloreko multzotik kanpo egotean, zuriz estofatuta egoten dira, zilar-koloreko hondo baten gainean, nahiz gaur hondatuta dagoen (S. Blas eta S. Anton Abadea). Zilar gaineko esgrafiatuan erabilitako modeloak honakoak dira:

1. Landarezkoak, forma askotarikoak, zirkuluak edo tondoak.
2. Adarrak eta landare-hostoak dituzten mendelak.
3. “Candelieri” erako apaindura, kopa formako iturriarekin eta landare elementuekin.
4. Landarezko gorputz-adarrak dituzten giza pertsonaiak.

Zilar gaineko esgrafiatua. a) Loreak. Zilar herdoildua. Bankuko frisoa. b) San Anton. c) Zilar herdoildua. San Sebastianen hondoa.

Zilar gaineko esgrafiatua. d) Landareak-iturria. San Anton. e) Zirkuluak. San Paulo Eremutarra. f) Iturri hegaztitzarduna - 2. estaiko horma-konka.