I. Atalburua: erretaula egiteko teknika

4. Pintura kapa

4.1 Urreztadura

Mixtioizko urreztaduraren teknika ere ageri da obra honetan , eskas-antzean baldin bada ere . Urreztadura- tipo hau marroi-tonuko tunika batzutan erabili izan da, honi dekoraziozko motiboak gehitzeko.

Azalera jada polikromatu baten gainean eta etxantiloi trokelatu batean barna aplikatzen zen pintzel batekin itsasgarri edo finkagarria, urrezko diseinua lortu nahi zen tokian. Itsasgarri honen gainean urrezko ogia ezartzen zen. Gero ixipu bat pasatzen zen azaleraren gainean, handik soberakiaak kentzeko eta urrea bakarrik gelditzen zen itsasgarria aplikatutako lekuan.

Teknika honekin egindako motiboak errepikatu egiten dira beren artean; hainbat modelo aurkitzen dira tuniken hedaduran uniformeki zabaldurik daudenak. Esan daiteke, kasu bakarra dela, obra honetako tekniken artean, etxantiloiak erabili direnekoa.

Mixtioizko urreztadura (aingeruaren ilea).

Mixtioizko urreztadura trokelarekin.

Beste zona batzutan ere erabili da mistioi-urrea, urre distiraziak ezbezalako egindura edo azalera ematen bait du, eta ez da hura bezain uniformea eta distiratsua. Ohitura denez, urreztadura-mota hau hango pertsonaje ugarienet aingeruen ileetan eta arbola-enborretan bakarrik ematen da.