I. Atalburua: erretaula egiteko teknika

4. Pintura kapa

4.1 Urreztadura

Bidaurretako erretaula ia dena urre distiraziaren teknikarekin urreztatua dago, C. Cenninik esplikatzen duen bezala: «behin prestakina pulitu eta garbitu ondoren, hainbat bol-gema emango dira eta lehortzen denean ... linozati batekin distirazi egingo duzu bol-a jarri duzun lekua.. . Katilu bat hartu, ur oso garbiz ia goraino betea, eta garbitu eta botaiozu arraultza-zuringozko tenple hartatik piska bat.. . (Hartu pintzela eta horrekin bainatuko duzu urrezko ogia jarri asmo duzun lekua.. . Hartzazu zure urre fina.. . eta maina ederrez eraman ezazu urrea bol bustira (hau da, jartzazu bainatu berria duzun bol-ezko zonaren gainean). . . zure distirazteko harriarekin.. . distiraziko duzu planos» (dena erabat distiratsu utzi arte)3.

Erabilitako urre-ogien tamaina 8 edo 8 cm. altukoa da. Zabalera ezin izan da ziur finkatu, baina karratuak edo pittin bat errektangularrak izaten ziren.

Urezko urreztadura.

Urreztadurazko zonak oso handiak dira eta oso giro bero-gozoa ematen dio. Pertsonaje batzuren jazkerak destakatzen dira, osoro urreztuak bait daude, hala nola Aita Eternoa Ebaren sorrerakoan eta Amabirjinaren irudia Kalbarioan. Baina garai hartan erabili ohi ziren bezalako urrezko dekorazio-motibo berezirik ez dago.