I. Atalburua: erretaula egiteko teknika

2. Sostengua

2.1 Eszenak

Bakoitza bina intxaur-oholez osatuak daude, eta ebakera radiala edo tangentziala daukate, zabalera desberdinekoa. Estuenak 25 eta 40 cm.ren artean ibiltzen dira eta zabalenak 50 eta 65 cm.ren artean. Lodiera 5 eta 7 cm.ren artean ibiltzen da. Panel hauen luzera gero eta handiagoa da pisuak goratu ala: aurreneko pisuan 84 cm. dira, bigamenean 135 cm., eta hirugarrean 150 cm.

Oholak zerraz ebakiak daude, atzetik akaberarik eman gabe, eta ertz bizika kolaz batuta. Batura gaikaldean sendotzen da igeltso eta kolatan basitutako iztuparekin. Kasu bakar batean aurkitu da mirubuztan bikoitz bat ohol hauen batura segurtatzeko. Goiko bi pisuetako panelek egurrezko langeta trapezio-itxurako bat daukate sendogarritzat, aurpegialdeko beheko partean, bi buruko iltzeekin. Gainera, eszena hauetako batzuk arrasendotuak daude gaikaldeko ertzean era berean finkatutako langeta errektangular batekin; langeta hauek bago egurrez (Fagus sylvatica) eginak daude.

Bi panelek ebakidurak dauzkate azpikaldean, eta beste batzuk, berriz, badirudi jatorrian berean izan zirela zepilatuak beren goiko partean: prestakin-hondarrak aurkitu dira zona hauek estaltzen.

Badira zulogune erdizirkular batzuk ere oholen goiko eta beheko ertzetan, finka-iltzeak jartzen ziren lekuetan.